Выхаваўчае мерапрыемства ў межах конкурсу “Лепшы па прафесіі”
Да 140-годдзя з дня нараджэння вядомага пісьменніка, славутага песняра, класіка беларускай літаратуры Янкі Купалы было прымеркавана выхаваўчае мерапрыемства, якое правяла Русаковіч Паліна ў межах конкурсу “Лепшы па прафесіі”.
Удзельнікі наведалі віртуальную экскурсію “Жыццёвыя сцяжынкі Янкі Купалы”, пашырылі веды пра асноўныя факты жыцця і творчасці вядомага класіка, даведаліся пра паходжанне літаратурнага псеўданіма, прынялі актыўны ўдзел у віктарыне. Фарміраванню пазнавальнай цікавасці спрыяла работа над стварэннем лэпбука – тэматычнай інтэрактыўнай кнігі – “На кожнай старонцы голас Купалы”. У працэсе групавой працы над заданнем “Мастакі-ілюстратары твораў Янкі Купалы” дзеці прыгожа аформілі ілюстрацыі да вершаў, а падчас “Паэтычнай хвілінкі” прадэкламавалі любімыя вершы дзіцячага пісьменніка. Прэзентацыя “Пад зоркаю Купалы” пашырыла веды вучняў аб аб’ектах, якія былі названы ў гонар пісьменніка. Выкарыстанне інтэрактыўных заданняў, электронных адукацыйных рэсурсаў, актыўных прыёмаў работы, уключэнне дзяцей у сумесную творчую дзейнасць спрыяла развіццю цікавасці да актуальнай тэмы, выхаванню патрыятычных пачуццяў і паважлівых адносін да класіка беларускай літаратуры.
Удзельнікі мерапрыемства прыйшлі да высновы, што літаратурная спадчына выдатнага беларускага пісьменніка будзе жыць доўга, як і наша памяць аб выдатным сыне беларускай зямлі!
Белавус В.М., выкладчык каледжа
Здымкі аўтара
 
Опубликовано 29 марта 2022 г.
Перейти в архив всех новостей
|
