Да 140-годдзя з дня нараджэння Янкі Купалы
Літаратурна-музычная кампазіцыя, прысвечаная 140-годдзю з дня нараджэння Янкі Купалы, была падрыхтавана навучэнцамі групы 1-11 спецыяльнасці “Пачатковая адукацыя”. Шчырым лірызмам, эмацыянальнай насычанасцю, глыбокім роздумам і вялікай удзячнасцю характарызавалася атмасфера, у якой гучалі мастацкія творы класіка беларускай літаратуры, народнага паэта Беларусі, драматурга, публіцыста, акадэміка Нацыянальнай акадэміі навук Беларусі Янкі Купалы.
Пісьменнік узняў беларускае мастацкае слова на небывалую вышыню, яго творчасць параўноўваюць з лепшымі ўзорамі сусветнай літаратуры, яна ўяўляе сабой энцыклапедыю жыцця беларускага народа. Літаратурная спадчына ўвабрала ў сябе лепшыя здабыткі беларускай культуры, мовы, мыслення, стала паэтычным увасабленнем Беларусі.
Навучэнцы дэкламавалі вершы пісьменніка, слухалі музычныя кампазіцыі на словы Янкі Купалы ў выкананні ансамбля “Песняры”. У трапяткіх сэрцах купалаўцаў – пачуццё гонару за таленавітага мастака слова, выразніка нацыянальных дум, шчырага аматара роднага слова, патрыёта Беларусі. А ў думках – вялікая надзея, што творчасць нацыянальнага песняра будзе ўшаноўвацца ўдзячнымі нашчадкамі, умацоўваць сувязі пакаленняў і што пад іменем Купалы адзначыцца яшчэ многа юбілейных дат.
Белавус В.М., выкладчык беларускай мовы і літаратуры
 
 
 
 
 
 
 
 
 
 
 
 
Опубликовано 19 мая 2022 г.
Перейти в архив всех новостей
|
Поиск по сайту
Последние новости
ТОП-10
|
