Прэзентацыя вопыту настаўніка пачатковай школы
24 мая ў Ваўкавыскім каледжы адбылася прэзентацыя вопыту настаўніка пачатковых класаў ДУА “Сярэдняя школа № 7 г. Ваўкавыска” Шульга Алены Чаславаўны на тэму “Афармленне школьнай дакументацыі”. На сустрэчы навучэнкі выпускной групы спецыяльнасці “Пачатковая адукацыя” мелі магчымасць пазнаёміцца з асаблівасцямі афармлення актуальнай дакументацыі настаўніка пачатковых класаў. Алена Чаславаўна грунтоўна распавяла пра неабходныя дакументы для вучэбнай і выхаваўчай работы ў малодшай школе, асаблівасцямі іх стварэння, вядзення, захоўвання. Будучыя маладыя спецыялісты ў дадатак да тэарэтычных ведаў змаглі атрымаць практычныя навыкі работы з класным журналам настаўніка пачатковай школы – правільна рабіць запісы зместу праведзеных заняткаў па розных вучэбных прадметах, афармляць асабістыя дадзеныя навучэнцаў. Дадзенае мерапрыемства атрымала пазітыўны водгук будучых настаўнікаў пачатковых класаў, бо, дзякуючы метадычным парадам Алены Чаславаўны, яны зрабілі чаргавовы, больш упэўнены крок у будучую прафесію.
Н.В. Лазарчык, метадыст
 
 
 
 
 
 
 
 
 
Опубликовано 24 мая 2022 г.
Перейти в архив всех новостей
|
