Волковысский педколледж

Літаратурна-музычная гасцёўня "З павагай да Якуба Коласа"

Два каласы – дзве праўдзівыя песні!
Поплеч, як сёстры ідуць у свет...
Колькі вы радасці людзям прынеслі,
Колас жытнёвы і Колас – паэт!
У кожнага народа ёсць песняры, прарокі, што сілай свайго паэтычнага таленту вызначаюць не толькі шляхі развіцця роднай мовы, літаратуры, культуры, але і фарміруюць нацыянальную самасвядомасць, увасабляюць нацыянальную ідэю, даючы мэту і сэнс існавання не аднаму пакаленню.
20 кастрычніка навучэнцы групы 1-31 (спецыяльнасць “Пачатковая адукацыя”) запрасілі на літаратурна-музычную гасцёўню, прысвечаную беларускаму песняру Якубу Коласу. Вядучыя Маршалак Крысціна і Арбузава Анастасія правялі па жыццёвым сцяжынкам пісьменніка, прыгадалі цудоўныя радкі з яго твораў, зазірнулі у таямніцы шчырай беларускай душы, адданай свайму народу, сваёй зямлі. Будучыя настаўнікі пачатковых класаў раскрылі педагогічныя ідэі Якуба Коласа, якія абапіраюцца на жыццевую мудрасць і вопыт пакаленняў. Прыгожа гучалі вершы ў выкананні Чалоўскай Ганны, Лухтан Дзіяны, Паўлоўскай Дар’і і Пятроўскай Дзіяны. Павагу да беларускага народа, да яго спадчыны выказала Жагунь Анастасія ў песні. У завяршэнні літаратурна-музычнай гасцёўні са сцэны прагучалі выказванні Якуба Коласа, якія маюць вялікую каштоўнасць і ў нашыя часы: “Ніякае багацце людзей не бывае даражэйшым за іх родную мову”. “Што ні кажы, а жыццё, ужо само па сабе, ёсць радасць, вялікае шчасце, бясцэнны дар.” “Чалавек жыве дзеля дабра, для служэння праўдзе, каб ствараць нейкiя вартасцi жыцця i каб быць карысным для iншых.”