|
Экскурсія «Таленавітыя людзі Ваўкавышчыны»
Маладзёжны ініцыятыўны праект «Музей сваімі рукамі» сёння шчыра распахнуў дзверы жыхарам інтэрнату па Савецкай, 1. Навучэнцы каледжа пад кіраўніцтвам Рашчэўскай Ліліі Іосіфаўны расказалі пра жыццёвыя і творчыя шляхі нашых землякоў.Чалавек нараджаецца для жыцця. Жыццё – гэта радасць і смутак, смех і слёзы, каханне і нянавісць, асалода і пакуты, надзея і адчай, багацце і беднасць, духоўнае і матэрыяльнае. Жыццё недаўгавечнае, як подых ветру. Яно ў кожным з нас, пакуль мы жывем на белым свеце. І кожны з нас спадзяецца жыць не проста доўга, а бясконца доўга, марыць пра вялікія здзяйсненні. Пра нашых паважаных і знакамітых землякоў В. Г. Курловіча, А. В. Дзядзюшку, М. У. Пятрова, Л. А. Геніюш распавядалі навучэнкі Абрамчык Ангеліна, Ерш Ганна, Маляк Святлана, Хімерык Вольга. Шмат над чым было задумацца ўсім прысутным. Таму, здаецца, словы Ларысы Геніюш не страцілі сваёй актуальнасці і сёння: "Мабыць, найскладанейшая і найпрасцейшая "навука" для кожнага – у любых абставінах заставацца чалавекам, не страціць дабрыню, быць шчодрым у думках і справах, мужна пераносіць усё, што пасылае лёс..." 
М. А. Марцішэўская, намеснік дырэктара па выхаваўчай рабоце
Снимки представлены автором
Опубликовано 20 октября 2022 г. Перейти в архив всех новостей |
 ДО 85-ЛЕТИЯ КОЛЛЕДЖА: Поиск по сайтуПоследние новости
|
|
 
|
|
