Волковысский педколледж

Семінар “Арганізацыя дапамогі дзецям з АПФР у Рэспубліцы Беларусь”

Кодэкс Рэспублікі Беларусь аб адукацыі прадугледжвае ажыццяўленне дзяржаўнай палітыкі ў сферы адукацыі з улікам прынцыпу інклюзіі, які прадугледжвае атрыманне адукацыі для ўсіх навучэнцаў з улікам разнастайных патрэб, што абумоўлены жыццёвымі сітуацыямі, станам здароўя і інш. Ваўкавыскі каледж актыўна ўключаецца ў стварэнне інклюзіўнага асяродку. З 2022 года ў каледжы адкрыта спецыяльнасць “Педагагічнае суправаджэнне”, дзе рыхтуюцца спецыялісты па рабоце з дзецьмі з АПФР. Навучэнцы гэтай спецыяльнасці, а таксама навучэнцы спецыяльнасці “Дашколольная адукацыя” са спецыялізацыяй “Лагапедыя” былі запрошаны на тэарэтычны семінар метадыста ДУА “Ваўкавыскі раённы ЦКРНіР” Скепко Таццяны Васільеўны “Арганізацыя дапамогі дзецям з АПФР у Рэспубліцы Беларусь”. Яна распавяла пра наладжванне працэсу адукацыі і выхавання дзяцей з асаблівасцямі псіхафізічнага развіцця ў нашай краіне, падрабязней распавяла пра групы дзяцей з АПФР, установы адукацыі, формы ўзаемадзеяння з дадзенымі асобамі, дзейнасць цэнтра і інш. Навучэнцы падтрымалі размову пытаннямі, актуальнымі для іх будучай прафесіі. Відавочна, што супрацоўніцтва Ваўкавыскага каледжа з ДУА “Ваўкавыскі раённы ЦКРНіР” будзе працягвацца ў разнастайных аспектах адуцыйнай дзейнасці.