Волковысский педколледж

Экскурсія ў гісторыка-краязнаўчы музей каледжа

9 лютага экскурсіяй у гісторыка-краязнаўчы музей каледжа группы 5-23 спецыяльнасці “Дашкольная адукацыя” завяршылася знаёмства з экспанатамі музея груп новага набора.
Яшчэ ў мінулым семестры амаль ўсе групы першага курса наведалі музей, пазнаёміліся з яго экспазіцыямі. Асаблівасць сёняшняй экскурсіі заключалася ў тым, што яе падрыхтавалі і правялі новыя экскурсаводы – навучэнцы 1 і 2 курса спецыяльнасці “Турызм і гасціннасць” Навінка Аляксандра, Кузняцова Аліна, Дзейкала Максім, Роліч Яўген і Федунец Фёдар.
Падрыхтоўка новых экскурсаводаў заняла каля паўгода. Планамерна, крок за крокам, будучыя турагенты і экскурсаводы знаёміліся з экспанатамі музея, самастойна збіралі дадатковую інфармацыю аб іх, асвойвалі майстэрства выступлення на публіцы. Патрэбна сказаць, што не ўсё адразу атрымлівалася гладка. У некаторых навучэнцаў былі і разачараванні, і жаданне адказацца ад правядзення экскурсій, сысці з аб’яднання па інтарэсах “Вытокі”, у рамках якога і ажыццяўлялася падрыхтоўка новых экскурсаводаў. Нават давялося звярнуцца за дапамогай да больш вопытных экскурсаводаў – навучэнцаў 6-31 гр., выпускнікоў спецыяльнасці “Турызм і гасціннасць”, якія паказалі майстар-клас па правядзенню экскурсій. І гэта спрацавала. У малодшых навучэнцаў з’явілася матывацыя, а разам з ёю і жаданне дабіцца поспеху у вобласці, з якой можа быць звязана прафесійная дзейнасць.
Сёняшняя экскурсія паказала, што ўсе намаганні былі не дарэмныя. Застаецца пажадаць поспеху новым экскурсаводам на пачатку іх шляху ў прафесію.
А.У.Жывіца, кіраўнік музея
Здымкі прадстаўлены Ангелінай Гаралевіч

Апублікавана 9 лютага 2023 г.

Перейти в архив всех новостей