Волковысский педколледж

Рэспубліканскі семінар
“Падтрымка і пашырэнне сферы выкарыстання беларускай мовы
ва ўстановах агульнай сярэдняй адукацыі Гродзенскай вобласці:
асоба, адукацыя, грамадства”

16 – 17 красавіка 2019 года на базе дзяржаўнай установы адукацыі “Гродзенскі абласны інстытут развіцця адукацыі” арганізаваны рэспубліканскі семінар “Падтрымка і пашырэнне сферы выкарыстання беларускай мовы ва ўстановах агульнай сярэдняй адукацыі Гродзенскай вобласці: асоба, адукацыя, грамадства”.

Мэта рэспубліканскага семінара – павышэнне якасці адукацыйнага працэсу па вучэбных прадметах “Беларуская мова” і “Беларуская літаратура” праз удасканаленне арганізацыйна-метадычный работы настаўнікаў беларускай мовы і літаратуры, пашырэнне сферы выкарыстання беларускай мовы ва ўстановах агульнай сярэдняй адукацыі.

Удзел у рабоце семінара прынялі галоўныя спецыялісты ўпраўлення агульнай сярэдняй адукацыі, метадысты рэгіянальных інстытутаў развіцця адукацыі, раённых вучэбна-метадычных кабінетаў, кіраўнікі метадычных аб’яднанняў настаўнікаў беларускай мовы і літаратуры.

На пленарным пасяджэнні быў прадстаўлены эфектыўны вопыт Ваўкавыскага каледжа УА “Гродзенскі дзяржаўны ўніверсітэт імя Янкі Купалы” (дакладчык – выкладчык беларускай мовы і літаратуры Белавус Вольга Мікалаеўна). Падчас выступлення «Асноўныя напрамкі дзейнасці па папулярызацыі і пашырэнні сферы выкарыстання беларускай мовы ў Ваўкавыскім каледжы УА “Гродзенскі дзяржаўны ўніверсітэт імя Янкі Купалы”» была ахарактарызавана сістэма работы: выкладанне вучэбных дысцыплін на беларускай мове, арганізацыя дзейнасці гісторыка-краязнаўчага музея Ваўкавыскага каледжа (кіраўнік – Жывіца А.У.), эфектыўная дзейнасць навуковых гурткоў, творчых аб’яднанняў, правядзенне першага ўрока ў пачатку навучальнага года на беларускай мове, куратарскіх і інфармацыйных гадзін, прысвечаных жыццю і творчасці беларускіх пісьменнікаў, памятным датам; правядзенне квэст-гульні “Падарожжа па старажытных старонках Ваўкавыска” і гульні-падарожжа “Вучыцца, каб ведаць; ведаць, каб умець; умець, каб рабіць” для першакурснікаў, арганізацыя і правядзенне разнастайных мерапрыемстваў у рамках святкавання Міжнароднага дня роднай мовы, удзел у конкурсах буктрэйлераў і інш.

У час працы рэспубліканскага семінара былі арганізаваны таксама экскурсіі, майстар-класы, трансляцыя перадавога педагагічнага вопыту настаўнікаў устаноў адукацыі горада Гродна і іншых рэгіёнаў нашай краіны.

Можна канстатаваць, што ва ўстановах агульнай сярэдняй адукацыі і сярэдняй спецыяльнай адукацыі назапашаны эфектыўны вопыт стварэння беларускамоўнай прасторы, што з’яўляецца важнай умовай пашырэння сферы выкарыстання беларускай мовы.

Белавус В.М., выкладчык беларускай мовы і літаратуры
Фотаздымкі прадастаўлены аўтарам

Апублікавана 16 красавіка