Волковысский педколледж

Канферэнцыя ў Год міру і стварэння

Навукова-практычная канферэнцыя навучэнцаў "Свет даследчых ідэй -2023" з міжнародным удзелам стала ўжо традыцыйным інтэлектуальным мерапрыемствам у Ваўкавыскім каледжы. Сёлета, 27 красавіка, канферэнцыя прайшла ў гібрыдным фармаце: дыстанцыйна ў ёй удзельнічалі навучэнцы Лідскага каледжа і Шахцінскага каледжа (Расійская Федэрацыя), завочнаму ўдзелу аддалі прыярытэт вучні школы з аг. Юбілейны, Рэчыцкага, Горыцкага, Мінскага гарадского педагагічнага каледжаў. А вочна сустрэліся навучэнцы Ваўкавыскага каледжа, Мацвееўскай школы, школы N 5. Праца канферэнцыі праходзіла ў дзвюх секцыях, у якіх былі прадстаўлены розныя накірункі даследаванняў: сацыяльна-гуманітарныя, навукі, прыродазнаўчыя і матэматычныя навукі, замежныя мовы, педагогіка і методыка, інклюзіўная адукацыя. Канферэнцыя насіла характар спаборніцтва, у выніку кампетэнтным журы (з ліку навучэнцаў і выкладчыкаў) былі вызначаны пераможцы сярод выступоўцаў. На канферэцыю былі дасланы 70 дакладаў навучэнцаў школ і каледжаў Рэспублікі Беларусь і Расійскай Федэрацыі, якія складуць зборнік матэрыялаў. У сваіх работах юныя даследчыкі адлюстравалі праблемы выхавання ў сучаснай адукацыйнай прасторы, выкарыстання інфармацыйна-камунікацыйных тэхналогій, гістарычнай памяці, захавання міру, распрацоўкі актуальных метадычных матэрыялаў, фарміравання інклюзіўнай культуры. Мерапрыемства прадэманстравала багаты даследчы патэнцыял маладых навукоўцаў, іх прагу да ведаў, творчасці ў Год міру і стварэння.

Н.В. Лазарчык, метадыст
Здымкі прадстаўлены Аляксандрай Бойчанка, навучэнкай групы 4-21 спецыяльнасці "Дызайн (графічны)"
Апублікавана 27 красавіка 2023 г.

Перейти в архив всех новостей