Волковысский педколледж

V Рэспубліканскі конкурс "ProfSkills Belarus-2023"

13 мая адбылося ўрачыстае адкрыццё V Рэспубліканскага конкурсу "ProfSkills Belarus-2023", дзе на працягу некалькіх дзён будуць спаборнічаць у прафесійным майстэрстве навучэнцы ўстаноў прафесійна-тэхнічнай і сярэдняй спецыяльнай адукацыі Рэспублікі Беларусь, Расійскай Федэрацыі і Рэспублікі Казахстан. Маладыя прафесіяналы (а іх больш за 300!) прадэманструюць сваё майстэрства ў 49 кампетэнцыях. На конкурсе прадстаўлены каманды 6 абласцей нашай краіны, Мінска і замежных гасцей. У складзе каманды Гродзенскай вобласці - эксперт па кампетэнцыі "Пачатковая адукацыя" выкладчык Юлія Яўгеньеўна Матвейчык і яе выхаванка - пераможца рэгіянальнага этапу гэтага конкурсу ў згаданай кампетэнцыі Ганна Чалоўская. Яны грунтоўна рыхтаваліся да такога выбітнага мерапрыемства, напоўнены пазітыўнымі эмоцыямі і ўпэўнены ў сваім прафесійным майстэрстве. Таму жадаем Ганне выдатных вынікаў!