|
Творчая справаздача навуковага гуртка
31 мая адбылася творчая справаздача навуковага гуртка па праблеме “Літаратурнае даследаванне ў беларускай прозе і паэзіі”, прысвечаная творчасці Канстанціна Міцкевіча (Я.Колас) і Алаізы Пашкевіч (Цётка). Гурткоўцы, будучыя настаўнікі, зацікавіліся вывучэннем метадычнай, дыдактычнай літаратуры для дзяцей пачатковых класаў пачатку ХХ стагоддзя. Удзельніцы навуковага гуртка даследавалі асаблівасці твораў для дзяцей, напісаных Я.Коласам і Цёткай, зрабілі агляд іх метадычнай спадчыны, расказалі пра жанрава-тэматычныя асаблівасці “Першага чытання для дзетак беларусаў” Цёткі (Швайко Дана) і “Другога чытання для дзяцей беларусаў” Я.Коласа (Бакач Дар’я), правялі параўнальны аналіз гэтых чытанак. Усе прысутныя змаглі ўбачыць факсімільныя выданні дадзеных кніг, а таксама паспрабаваць разгадаць загадкі, якія змясціла Цётка ў сваім “Першым чытанні для дзетак беларусаў”.Завяршаючы занятак, гурткоўцы прыйшлі да высновы, што чытанкі Якуба Коласа і Цёткі былі накіраваны на выхаванне ў маленькіх беларусаў любові да прыроды, да роднага краю, да людзей, на фарміраванне гуманістычных поглядаў і эстэтычных пачуццяў, на развіццё ўяўлення. І самае важнае: яны пралажылі дарогу беларускай дзіцячай літаратуры i з’явіліся важным укладам у развіццё нацыянальнай педагагічнай думкі. Макавецкая К.З., кіраўнік гуртка Здымкі прадстаўлены аўтарам     Апублікавана 1 чэрвеня 2023 г. Перейти в архив всех новостей |
 Поиск по сайтуПоследние новости
|
|
 
|
|
