Волковысский педколледж

Перамога ў дыстанцыйным галіновым чэмпіянаце па педагогіцы “Чалавек сям’ёю моцны”

Упэўненую перамогу атрымала каманда Ваўкавыскага каледжа ў дыстанцыйным галіновым чэмпіянаце з міжнародным удзелам па педагогіцы “Чалавек сям’ёю моцны”.

Гэта мерапрыемства зладзіў Архангельскі педагагічны каледж (Расійская Федэрацыя), і наша ўстанова адукацыі ўдзельнічае ў ім упершыню. Нашымі канкурэнтамі была каманда Гуманітарнага каледжа, па-за конкурсам выступалі прадстаўнікі каледжа-арганізатара.

Чэмпіянат мае на мэце папулярызацыю дзяржаўнай палітыкі ў сферы абароны сям’і і захавання традыцыйных сямейных каштоўнасцей, павышэнне матывацыі і творчай актыўнасці педагагічных работнікаў ў рамках настаўніцтва навучэнцаў. Удзельнікі чэмпіянату спаборнічалі ў трох відах заданняў: прадстаўленне вынікаў анлайн-апытання “Мая сям’я”, дэманстрацыя лічбавага адукацыйнага рэсурсу “Маршрут выхаднога дня” і прэзентацыя майстар-класу “Чытаем усёй сям’ёй”. Каманду, па ўмовах чэмпіянату, складалі навучэнцы Мікалай Каранкевіч і Анастасія Севярын, выкладчык каледжа Аксана Уладзіміраўна Загавалка і прадстаўнік арганізацыі-працадаўцы настаўнік ДУА “Сярэдняя школа №7 г.Ваўкавыска” Марына Антонаўна Маршалак. Іх сумесная заўзятая праца дала свой плён.

Відавочна, што дадзенае мерапрыемства садзейнічае павышэнню прэстыжу педагагічнай прафесіі, спрыяе абмену вопытам паміж педагагічнымі работнікамі, пашырае магчымасці для асабовай самарэалізацыі выкладчыкаў і навучэнцаў.

Н.В. Лазарчык, метадыст
Здымкі прадстаўлены аўтарам

Апублікавана 15 красавіка 2025г.