ул.Социалистическая, 33
г.Волковыск,
Гродненская обл.,
231895

8-01512-67725

 

vk@grsu.by
vk.grsu.by

 

Вандроўка ў Мінск

Марк Твэн пісаў: “Падарожнічаць неабходна тым, хто вучыцца”. Гэту думку спраўдзілі ўдзельніцы навукова-даследчага аб’яднання навучэнцаў “Эйдас” Ваўкавыскага каледжа УА “ГрДУ імя Янкі Купалы”, якія 26 кастрычніка пабывалі ў Мінску.

Дзень выдаўся, на шчасце, для вандроўнікаў цёплым (што нязвыкла для кастрычніка) і сонечным. Гэта акалічнасць не магла не радаваць: і фотаздымкі атрымаліся яркімі, і настрой не псаваўся, і стомленасці ад праграмы не было. А праграма была, сапраўды, насычанай. Дзяўчаты трапілі ў Цэнтральны батанічны сад НАН, дзе мелі магчымасць не толькі атрымаць асалоду ад мноства раслін, чыстага паветра, але і пазнаёміліся з кельцкай культурай на фестывалі “Самайн 2019”, які якраз праходзіў там. Юныя падарожніцы наведалі таксама парк-музей камянёў, спраектаваны ў выглядзе карты Беларусі, дзе пабачылі камень Крыж Стэфана Баторыя (дзе калісьці абедаў сам вялікі князь), камень Дзед, прывезены з месца старажытнага паганскага капішча, канструкцыю з камянёў, якую завуць беларускім Стоўн-Хэнджам і многія іншыя цуды прыроды з каменю. Цікавым і і смачным было наведванне МакДональдса. Незабыўным момантам экскурсіі стаў візіт у Нацыянальную бібліятэку Беларусі, дзе вандроўніцы пазнаёміліся з гэтым незвычайным будынкам, яго гісторыяй і багатым фондам; наведалі музей кнігі, дзе пабачылі ў арыгінале выданыя Францыскам Скарынаю кнігі і іншыя сапраўдныя старажытныя выданні, самую вялікую і самую маленькую кнігі, другія цікавыя экспанаты. Кульмінацыяй экскурсіі можна лічыць пад’ём на аглядную пляцоўку на панарамным ліфце. З вышыні 23-га паверха можна было атрымаць незабыўныя ўражанні ад вячэрняй сталіцы нашай рэспублікі.

Можна з упэўненасцю сказаць, што для маладых навукоўцаў дзень паездкі ў Мінск прайшоў запамінальна і карысна. Экскурсія задаволіла адукацыйныя, эстэтычныя і геданістычныя патрэбы яе ўдзельнікаў.

Н.В. Лазарчык, кіраўнік НДАН “Эйдас”
Здымкі прадастаўлены аўтарам



Апублікавана 27 кастрычніка 2019 г.


Перейти в архив всех новостей
ВЕРСИЯ ДЛЯ СЛАБОВИДЯЩИХ

Поиск по сайту


Последние новости
ТОП-10

Работа летнего трудового отряда
(18.07.2021)


Митинг-реквием в Шауличах
(07.07.2021)


Поход на Зельвенское водохранилище
(06.07.2021)


Празднование Дня Независимости Республики Беларусь
(03.07.2021)


Возложение цветов в урочище Пороховня
(03.07.2021)


Уборка территории колледжа
(01.07.2021)


Отчетно-выборное собрание первичной организации ОО «БРСМ»
(01.07.2021)


Сотрудникам и студентам ГрГУ имени Янки Купалы вручены награды
(01.07.2021)


Итоговое заседание школы методического мастерства
(28.06.2021)


Выпускной вечер для групп 1-31, 2-31, 5-31
(26.06.2021)


Волковысский колледж
УО "Гродненский государственный университет им.Я.Купалы"
Телефон:(8-01512) 6-77-25, Факс: (8-01512) 6-77-25
E-mail: vk@grsu.by

© 2018. Все права защищены. Регистрационное свидетельство №4141102115 от 20.07.2011

ВЕРНУТЬСЯ НА ГЛАВНУЮ