Практычны тэлемост “Сучасныя падыходы да падрыхтоўкі настаўнікаў пачатковых класаў”
Ваўкавыскі каледж установы адукацыі “Гродзенскі дзяржаўны ўніверсітэт імя Янкі Купалы” і Пінскі каледж установы адукацыі “Брэсцкі дзяржаўны ўніверсітэт імя А.С. Пушкіна” 8 снежня зладзілі сумесную відэасустрэчу па тэме
“Сучасныя падыходы да падрыхтоўкі настаўнікаў пачатковых класаў”.
У ходзе мерапрыемства выкладчыкі абмяняліся вопытам па актуальных пытаннях навучанню будучых настаўнікаў пачатковых класаў. Калегі з Пінскага каледжа распавялі пра выкарыстанне інструментаў штучнага інтэлекту ў сістэме
настаўніцтва на спецыяльнасці “Пачатковая адукацыя”, прыёмы развіцця арфаграфічнай зоркасці на ўроках рускай мовы ў пачатковай школе, спосабы інтэнсіўнага ўзаемадзеяння навучэнцаў пры актуалізацыі ведаў; паказалі, як зрабіць
хвілінку чыстапісання цікавай і развіццёвай. Выкладчыкі нашага каледжа прадэманстравалі эфектыўнасць тэхналогіі тэкстаграфікі для фарміравання чытацкай граматнасці, метады і прыёмы навучання выяўленчаму мастацтву ў пачатковай
школе, прэзентавалі адукацыйны сайт “Ніхто не забыты, нішто не забыта” ў якасці прыкладу тэхналогіі цыфравога патрыятызму, а таксама пазнаёмілі з работай інтэрактыўнай пясочніцы – самым інавацыйным рэсурсам у інклюзіўнай
адукацыі.
Тэлемост атрымаўся сучасным, прадуктыўным і інтэрактыўным, што садзейнічала наладжванню новых стасункаў у галіне адукацыі.
Н.В. Лазарчык, метадыст
Здымкі прадастаўлены аўтарам
 
Апублікавана 08 снежня 2025г.
Перейти в архив всех новостей
|