Волковысский педколледж

Перамога ў ІІ Чытаннях “Спадчына беларускай педагогікі:
ад Ефрасінні Полацкай да сучаснасці”

2 лістапада Мінскі гарадскі педагагічны каледж другі раз наладзіў у сваіх сценах Чытанні “Спадчына беларускай педагогікі: ад Ефрасінні Полацкай да сучаснасці”. Сёлета яны праводзіліся ў гонар беларускай паэтэсы, празаіка, асветніцы, сястры міласэрнасці і грамадскага дзеяча Цёткі (Алаізы Пашкевіч). Ваўкавыскі каледж прымаў удзел у гэтым мерапрыемстве ўпершыню. І старт стаў паспяховым. Навучэнка 2 курса спецыяльнасці “Замежная мова” Целеш Валерыя атрымала дыплом пераможцы ў секцыі “Вобраз Цёткі ў беларускай літаратуры і выяўленчым мастацтве”, дзе яна выдатна прадставіла і абараніла даклад на тэму “Вобраз Цёткі ў беларускім мастацтве”. У сваім даследаванні Валерыя правяла параўнальны аналіз помнікаў паэтэсе ў Астрыне і Шчучыне.

У Чытаннях выступалі навучэнцы 1-2 курсаў педагагічных каледжаў Рэспублікі Беларусь і вучні 10-11 педагагічных класаў устаноў агульнай сярэдняй адукацыі, якія цікавяцца літаратурнай і педагагічнай спадчынай Цёткі. У кола чытанняў закладзены шырокі спектр навуковых праблем у такіх галінах ведаў, як педагогіка, філалогія, культуралогія, гісторыя, філасофія. Удзельнікі прадэманстравалі ўласнае гуманістычнае педагагічнае мысленне будучых педагогаў праз прызму спадчыны класіка.

Н.В. Лазарчык, кіраўнік НДАН “Эйдас”
Здымкі прадастаўлены аўтарам

Апублікавана 3 лістапада 2019 г.