Ваўкавыскі каледж – у ліку пераможцаў V Міжнароднай навукова-практычнай канферэнцыі «Чалавек і тэхнасфера»
Ваўкавыскі каледж працягвае актыўны ўдзел у навукова-даследчых канферэнцыях. 17 сакавіка навучэнка групы 7-21 спецыяльнасці «Педагагічнае суправаджэнне» Кацярына Янушкевіч і яе навуковы кіраўнік Кацярына Віктараўна Тапчылка
дыстанцыйна прадставілі свой даклад «Змены клімату на Зямлі як глабальная праблема (на прыкладзе Ваўкавыскага раёна)» на V Міжнароднай навукова-практычнай канферэнцыі «Чалавек і тэхнасфера», якая праходзіла ў БПАУ АВ «Арлоўскі
аўтадарожны тэхнікум» (Расійская Федэрацыя). Кацярына – актыўная ўдзельніца навуковага гуртка «Экалагічныя праблемы Гродзенскай вобласці» ў рамках навукова-даследчага аб'яднання навучэнцаў «Эйдас», якое ўзначальвае яе навуковы
кіраўнік.
Канферэнцыя была арганизавана ў фармаце спаборніцтва, дзе кампетэнтныя эксперты ўсебакова ацэньвалі выступленні ўдзельнікаў, задавалі ім складаныя праблемныя пытанні. Даклад Кацярыны быў зачытаны ў секцыі «Прыродазнаўства»,
дзе выступоўцы дзяліліся вопытам сваіх даследаванняў разнастайных прыродных з'яў, іх уплыву на жыццядзейнасць чалавека і перспектыў на будучае. Па выніках работы канферэнцыі даклад нашых купалаўцаў узнагароджаны дыпломам ІІ
ступені. Журы адзначыла перспектыўнасць дадзенага даследавання, грунтоўны падыход да падачы матэрыялу, кампетэнтасць выступоўцы. Сардэчна віншуем нашых навукоўцаў і зычым поспехаў у іх плённай даследчай і творчай працы!
Н.В. Лазарчык, метадыст
Здымкі прадастаўлены аўтарам
 
Апублікавана 17 сакавіка 2026г.
Перейти в архив всех новостей
|
Поиск по сайту
Последние новости
ТОП-10
|
