Шануйце роднае слова!
21 лютага ва ўсім свеце адзначаецца Міжнародны дзень роднай мовы. Ён быў абвешчаны ЮНЭСКА ў лістападзе 1999 года з мэтай захавання моўнай і культурнай разнастайнасці. Дзень роднай мовы асаблівы для кожнай нацыі, для кожнага народа, бо няма народа без мовы, няма мовы без яго носьбіта.
У гэты ж дзень у каледжы была арганізавана літаратурна-музычная імпрэза “Гавары са мной па-беларуску”, прысвечаная роднаму слову. Вядучыя пазнаёмілі прысутных з цікавымі фактамі пра беларускую мову, успомнілі пісьменнікаў-юбіляраў 2020 года. Тут гучалі пранікнёныя, мілагучныя беларускія вершы, а таксама цудоўныя песні на роднай мове. Кожны новы ўдзельнік абуджаў у слухачоў усё новыя хвалі пачуццяў: ад парыўнай нястрыманасці, экспрэсіўнасці да ціхай зачараванасці, лірычнасці, пяшчоты; ад светлага жалю, задуменнасці да весялосці, аптымізму. Я думаю, што інакш і немагчыма, бо і спектр выбраных вершаў быў разнастайным. І пра каханне, і пра патрыятызм, пра любоў да Радзімы, і пра незагойную рану – Вялікую Айчынную вайну, і пра ранейшы штодзённы побыт простых беларусаў.
Усе выступоўцы атрымалі ад прафкама студэнтаў сімвалічныя падарункі. Вялікі дзякуй усім, хто прымаў удзел у дадзеным мерапрыемстве.
Макавецкая К.З., выкладчык беларускай мовы і літаратуры
 
 
 
 
 
 
 
 
 
 
 
Апублікавана 22 лютага 2020 г.
Перейти в архив всех новостей
|
ДО 85-ЛЕТИЯ КОЛЛЕДЖА:
Поиск по сайту
Последние новости
ТОП-10
Уникальный передвижной музей "Поезд Победы" впервые в Волковыске
(11.07.2024)
|
