Адкрыты занятак навуковага гуртка па праблеме
«Даследаванне беларускай дзіцячай літаратуры»
Творчасці народнага паэта Беларусі, перакладчыка, эсэіста Рыгора Барадуліна быў прысвечаны адкрыты занятак навуковага гуртка па праблеме «Даследаванне беларускай дзіцячай літаратуры». У 2020 годзе адзначаецца 85-я гадавіна з дня нараджэння творцы. Навучэнкі спецыяльнасцей «Дашкольная адукацыя» і «Пачатковая адукацыя» прадставілі вынікі сваёй навукова-даследчай працы. Юныя даследчыцы разглядалі творы Рыгора Барадуліна, уключаныя ў праграму дашкольных устаноў адукацыі і пачатковай школы. У дакладах навучэнак былі закрануты разнастайныя праблемы творчасці паэта для дзяцей: «Іронія ў вершы Рыгopa Бapaдyлiнa “Вясёлы цягнік”», «Выкарыстанне верша Рыгора Барадуліна “На шашы і ля шашы” для адпрацоўкі правільнага вымаўлення гукаў», «Маральна-этычная праблематыка ў творах Рыгора Барадуліна для дашкольнікаў», «Браты-антыподы ў вершы Рыгора Барадуліна “Грамат не хапіла”». Акрамя таго, гледачам былі прадэманстраваны вынікі анкетавання на веданне творчасці паэта, для гасцей быў праведзены тэст па барадулінскіх словах, інтэрактыўныя гульні і прапанаваны для адгадвання барадулінскія «Загадкі на градках».
Н.В. Лазарчык,
выкладчык, кіраўнік навуковага гуртка па праблеме «Даследаванне беларускай дзіцячай літаратуры»
 
 
 
 
 
 
Апублікавана 05 сакавіка 2020 г.
Перейти в архив всех новостей
|
