Волковысский педколледж

Анлайн-практыкум «Стварэнне адукацыйных квэстаў»

Сучасны ўзровень развіцця грамадства, адукацыйнай прасторы, а таксама эпідэміялагічная сітуацыя ў свеце вымагаюць новых падыходаў да арганізацыі навучання. Гэтай праблеме быў прысвечаны анлайн-практыкум “Стварэнне адукацыйных квэстаў”, які праходзіў у дыстанцыйным рэжыме на платформе GoogleMeet. Адміністраванне дадзенага мерапрыемства ажыццяўляла І.У. Малчанава, якая забяспечыла высокі ўзровень тэхнічнай падтрымкі. Далучыцца да анлайн-практыкума выкладчыкі мелі мажлівасць з любога зручнага для іх месца. Спікеры мерапрыемства распавялі пра сучасныя адукацыйныя анлайн-сэрвісы і практычна прадэманстравалі іх стварэнне. С.І. Мазец падзяліўся вопытам стварэння сайтаў. Для вучэбнай дысцыпліны “Музыка” быў аформлены раздзел тэарэтычнага блока “Кампазітары-класікі”. Быў прадстаўлены алгарытм яго стварэння (галоўная старонка, падраздзелы, URL-спасылкі) з магчымасцю выхаду на платформу квэстаў. Лагічным працягам стаў вопыт другога спікера. І.Э. Навіцкая прадэмастравала свае напрацоўкі ў выкарыстанні тэхналогіі вэб-квэст, якую яна прымяняе пры навучанні нямецкай мове на занятках па практыцы вуснага і пісьмовага маўлення. Выкладчык паведаміла пра працэс стварэння адукацыйных квэстаў для навучэнцаў пры вывучэнні тэмаў “Гарадское жыццё”, “Здароўе”, “Хваробы ХХІ стагоддзя”. Выкарыстанне дадзенай тэхналогіі спрыяе стварэнню ў навучэнцаў устойлівай цікавасці да вывучаемага матэрыялу, удасканаленню маўленчых уменняў і навыкаў, фарміраванню і развіццю пошукава-даследчай кампетэнцыі. Практычнае значэнне праведзенага практыкума ілюструе магчымасць цыфравізацыі вучэбна-метадычных матэрыялаў па вучэбных дысцыплінах.

Н.В. Лазарчык, метадыст

Опубликовано 20 октября 2021 г.