Адкрытая інфармацыйная гадзіна ў групе 1-31
26 кастрычніка ў групе 1-31 прайшла адкрытая інфармацыйная гадзіна на тэму “Пісьменнікі і кнігі юбіляры 2021 года”. Гартаючы старонкі літаратурнага календара, навучэнцы ўспомнілі майстроў беларускага слова, чые юбілеі мы адзначаем у гэтым годзе. Шчыра кажучы, дадзены занятак быў не толькі напамінам пра слаўныя даты ў беларускай літаратуры, але і нёс у сабе вялікі пазнаваўчы і выхаваўчы патэнцыял. Падчас інфармацыйнай гадзіны гучалі чароўныя беларускія вершы, такія родныя і кранальныя песні на беларускай мове, а відэафрагменты і прэзентацыі дазволілі ўзнавіць у памяці цікавыя звесткі з жыцця і дзейнасці некаторых паэтаў і пісьменнікаў. Звярнуліся мы да ролі і становішча беларускай мовы, здзівіліся, як актуальна гучаць словы беларускіх класікаў, напісаныя больш чым сто гадоў таму.
Так, многіх, пра каго сёння гаварылі, ужо няма на гэтай зямлі. Але ж мелодыя іх душы, мелодыя любові да сваёй радзімы будзе гучаць заўсёды. Бездакорна яны валодалі беларускім словам, упэўнена адчувалі сябе ў стыхіі роднай мовы.
Куратар 1-31 групы Макавецкая К.З.
 
 
 
 
 
 
Опубликовано 26 октября 2021 г.
Перейти в архив всех новостей
|
