Адкрыты занятак па беларускай літаратуры ў групе 1-11
26 лістапада, у Міжнародны дзень інфармацыі, выкладчык Вольга Мікалаеўна Белавус праводзіла адкрыты вучэбны занятак па тэме "Змітрок Бядуля. Апавяданне "Бондар"". Занятак адбыўся надзвычай інфарматыўны, сучасны, інтэлектуальны, узорны. Выкладчык прадэманстравала выдатнае майстэрства і мастацтва валодання класічнымі і сучаснымі педагагічнымі метадамі, прадуманасць кожнай драбніцы занятку, мэтазгоднае выкарыстанне інфармацыйна-камунікатыўных тэхналогій, грунтоўны літаратурназнаўчы аналіз твора і дасканалую методыку яго правядзення. Навучэнцы самастойна фармулявалі мэту занятка, рыхтавалі паведамленні даследчага характару, праводзілі экскурсію ў віртуальным музеі, характарызавалі герояў апавядання рознымі спосабамі, складалі кадра-план, сінквейн, выконвалі заданні з дапамогай інфармацыйных сервісаў "Learning Apps" i "Kahoot". Натхнёнасць выкладчыка, яго дасканалае педагагічнае майстэрства, мастацкая каштоўнасць і актуальнасць апавядання "Бондар", шчырая і прадуктыўная праца навучэнцаў падарылі гэтаму твору новае сучаснае гучанне. Апавяданне, прысвечанае тэме мастака і мастацтва, даводзіць слушную думку пра тое, што талент майстра будзе жыць у яго дзейнасці яго вучняў. Занятак яскрава пацвердзіў гэту думку: навучэнцы паказалі добрае веданне і разуменне апавядання, а Вольга Мікалаеўна ў сваю чаргу шчыра дзеліцца сваім інтэлектам, вопытам з імі, а таксама з калегамі, бо матэрыялы занятку папоўняць скарбонку найлепшых заняткаў каледжа і рэкамендуюцца да друку ў рэспубліканскіх перыядычных часопісах.
Н.В. Лазарчык, метадыст
 
 
 
 
 
 
 
 
 
 
 
 
 
 
Опубликовано 26 ноября 2021 г.
Перейти в архив всех новостей
|
ДО 85-ЛЕТИЯ КОЛЛЕДЖА:
Поиск по сайту
Последние новости
ТОП-10
|
