Кніжная выстава «І зорка гарыць, і не вяне вянок»
Кніжная выстава «І зорка гарыць, і не вяне вянок» аформлена ў бібліятэцы. Яна прымеркавана да 130-годдзя з дня нараджэння беларускага паэта Максіма Багдановіча.
Максім Багдановіч – гонар і слава беларускай літаратуры, адзін з самых знакамітых і любімых паэтаў. Творчасць славутага майстра – гэта свет прыгажосці, гармоніі, асэнсавання жыцця. Ён вядомы як паэт-наватар, празаік, цудоўны перакладчык, тонкі і ўдумлівы крытык, гісторык і тэарэтык літаратуры, публіцыст. Перш за ўсё, М. Багдановіч – арыгінальны паэт з высокім ідэйна-мастацкім узроўнем твораў, іх жанравай і тэматычнай разнастайнасцю. Ён стварыў вершы, поўныя шчырых і хвалюючых пачуццяў, адзначаныя тонкім псіхалагізмам, унутранай засяроджанасцю, музычнасцю, эмацыянальнасцю. Спадчына выдатнага майстра стала каштоўным набыткам беларускай і сусветнай духоўнай культуры.
Работнікі бібліятэкі
Опубликовано 9 декабря 2021 г.
Перейти в архив всех новостей
|
