Майстар-клас па выкарыстанні тэхналогіі лэпбукінгу
настаўніка ДУА “Сярэдняя школа № 7 г. Ваўкавыска” А.П. Кароль
15 снежня настаўнік ДУА “Сярэдняя школа № 7 г. Ваўкавыска” Алена Пятроўна Кароль наведала Ваўкавыскі каледж з майстар-класам “Тэхналогія лэпбукінгу”. Алена Пятроўна – адзін з найлепшых настаўнікаў англійскай мовы ў Ваўкавыску, яе вучні неаднаразова станавіліся пераможцамі розных этапаў рэспубліканскай алімпіяды па гэтым прадмеце. Таму для ўсіх карысна пераняць вопыт такога майстра. Алена Пятроўна наглядна прадэманстравала тэхналогію лэпбукінгу ў дзеянні. «Лэпбук» – гэта самаробная інтэрактыўная тэматычная папка з кішэнямі, акенцамі, дзверкамі, у якой знаходзіцца сістэматызаваны матэрыял для вывучэння, замацавання, паўтарэння ведаў. Гэта могуць быць ілюстрацыі ў выглядзе малюнкаў, невялікіх тэкстаў у любой форме па пэўнай тэме, якія вучань можа перакладваць, складваць па сваім жаданні. Такая тэхналогія прыдатная для дашкольнікаў і малодшых школьнікаў. Навучэнцы выпускной групы 3-41 спецыяльнасці “Замежная мова” мелі мажлівасць паўдзельнічаць у стварэнні лэпбукаў, падрыхтаваць заданні для іх напаўнення, вызначыць цяжкасці пры стварэнні інтэрактыўных кніг і дадатныя рысы гэтай тэхналогіі, зразумець прынцып выкарыстання тэхналогіі цалкам або яе элементаў у будучай прафесійнай дзейнасці.
Н.В. Лазарчык, метадыст
 
 
 
 
 
 
 
 
 
 
 
 
 
Опубликовано 15 декабря 2021 г.
Перейти в архив всех новостей
|
