|
Майстар-клас “Цыфравыя інструменты выкладчыка для арганізацыі анлайн-урока”
Сучасная адукацыйная прастора вымагае валодання разнастайнымі навучальнымі рэсурсамі. Ваўкавыскі каледж таксама ідзе ў нагу з часам: акрамя актыўнага ўдзелу ў эксперыментальным праекце “Распрацоўка і апрабацыя электронных адукацыйных рэсурсаў устаноў прафесійна-тэхнічнай і сярэдняй спецыяльнай адукацыі для інтэграцыі ў eior.by”, выкладчыкі нашай установы адукацыі асвойваюць і выкарыстоўваюць у прафесійнай дзейнасці сучасныя электронныя рэсуры. 1 лютага выкладчык інфарматыкі, магістр педагагічных навук Іна Уладзіміраўна Малчанава правяла для калег майстар-клас па выкарыстанні сацыяльнага сэрвісу “Wizer”. Выкладчык распавяла пра магчымасці дадзенага рэсурсу, які дапамагае рэалізаваць педагогам тэхналогію “перавернутага” ўрока, змешанага навучання. Іна Уладзіміраўна яскрава прадэманстравала магчымасці стварэння шырокага спектру тыпаў заданняў: адкрытых пытанняў, множнага выбару адказу, супастаўлення, усталявання адпаведнасці, аўдыязапісу фрагмента, упарадкавання. Выкладчыкі каледжа мелі магчымасць практычна апрабаваць дадзены рэсурс, упэўніцца, што на платформе сэрвісу мажлівая арганізацыя выдаленай работы педагогаў па стварэнні дыдактычнага матэрыялу і правядзенні анлайн-заняткаў.
Перейти в архив всех новостей |
 
Поиск по сайтуПоследние новости
|
|
 
|
|
