Волковысский педколледж

Юбілейная канферэнцыя

У Ваўкавыскім каледжы 21 мая адбылася навукова-практычная канферэнцыя навучэнцаў “Свет даследчых ідэй – 2024” з міжнародным удзелам, прысвечаная Году якасці. Сёлета гэта мерапрыемства адзначае свой маленькі юбілей – конферэнцыі 5 год. Да своеасаблівага святкавання далучыліся навучэнцы 13 навучальных устаноў – каледжаў і школ Рэспублікі Беларусь і Расійскай Федэрацыі. Гібрыдны фармат мерапрыемства дазволіў удзельнікам прадставіць 84 работы вочна, завочна і дыстанцыйна. 97 маладых даследчыкаў пад кіраўніцтвам 58 педагогаў падрыхтавалі грунтоўныя, сучасныя, практыка-арыентаваныя, рознапланавыя работы, у якіх даследуюцца пытанні арганізацыі навучання ў дзіцячым садзе і пачатковай школе, захавання беларускіх традыцый, экалагічнай і інклюзіўнай культуры, турыстычнай спадчыны Ваўкавышчыны, памяці пра Вялікую Айчынную вайну, уплыву фізічных і хімічных рэчываў на арганізм чалавека, а таксама лінгвістычныя і метадычныя аспекты вывучэння замежных моў. Навучэнцы прадставілі свае вынаходніцтвы, якія ўжо маюць прыкладное прымяненне і ў будучым могуць стаць прадуктам прамысловай вытворчасці і дапамагчы зрабіць жыццё лепшым, прыгажэйшым, лягчэйшым: гэта электронны кій для невідушчых з праграмным кіраваннем, цёплая экаштукатурка, святлівая перфараваная плітка, цеплаізаляцыйная цэгла. Канферэнцыя мела конкурсны характар, кампетэнтнае журы з ліку навучэнцаў і выкладчыкаў ацэньвала ўдзельнікаў дыломамі, а ўсе навуковыя кіраўнікі атрымалі падзякі ад арганізатараў. Сёлетняе мерапрыемства прадэманстравала высокі якасны ўзровень даследчых работ навучэнцаў, руплівую і адказную працу іх навуковых кіраўнікоў, сапраўдную цікавасць сучаснай моладзі да навуковай справы.