Юбілейныя міжнародныя педагагічныя чытанні
У лютым 2025 года Ваўкавыскі каледж святкуе 85-гадовы юбілей. Да гэтага свята прымеркавана дэкада святочных мерапрыемстваў, якую 11 лютага распачынаюць V педагагічныя чытанні “Сучасная адукацыя: вопыт, праблемы, перспектывы” з
міжнародным удзелам.
67 педагагічных работнікаў з 14 устаноў адукацыі Рэспублікі Беларусь і Расійскай Федэрацыі ў вочнай, завочнай, дыстанцыйнай форме прадставілі свае даследаванні па фарміраванні функцыянальнай граматнасці, развіцці і
ўдасканаленні ўніверсальных і прафесійных кампетэнцый, ваенна-патрыятычным выхаванні, прымяненні сучасных адукацыйных тэхналогій, інклюзіўных практыках на розных ступенях навучання. Даклады ўдзельнікаў – інтэлектуальна
насычаныя, практыка-арыентаваныя, навукова-даследчыя, вынаходніцкія – склалі зборнік па выніках работы педагагічных чытанняў.
На працягу мерапрыемства педагогі натхнёна дзяліліся метадычнымі набыткамі, абмяркоўвалі выступленні, давалі грунтоўныя парады. Добрай традыцыяй стаў удзел у педагагічных чытаннях выпускнікоў Ваўкавыскага каледжа, якія цяпер
прыходзяць у колішнюю alma mater як сапраўдныя прафесіяналы сваёй справы.
Прыемна адзначаць, што многія з педагогаў з’яўляюцца перманентнымі ўдзельнікамі чытанняў, што сведчыць пра спрыяльную атмасферу мерапрыемства для наладжвання доўгатрывалых партнёрскіх стасункаў. Таму хочацца, каб такі якасны
ўзровень педагагічных чытанняў, канферэнцый падтрымліваўся і толькі паляпшаўся.
Н.В. Лазарчык, метадыст
Снимки предоставлены автором
     
Опубликовано 11 февраля 2025 г.
Перейти в архив всех новостей
|
Поиск по сайту
Последние новости
ТОП-10
|
