Волковысский педколледж

Тэлемост з Шахцінскім педагагічным каледжам “Асаблівасці арганізацыі практычнага навучання ў сістэме сярэдняй прафесійнай адукацыі”

Ваўкавыскі каледж на працягу сямі год плённа супрацоўнічае з Шахцінскім педагагічным каледжам (Расійская Федэрацыя), рэалізуючы доўгатэрімовы інавацыйна адукацыйна-развіццёвы праект міжнароднага супрацоўніцтва “Педагагічны дыялог”.

28 кастрычніка адбылася чарговая анлайн-сустрэча на тэму «Асаблівасці арганізацыі практычнага навучання ў сістэме сярэдняй прафесійнай адукацыі». Выкладчыкі спецыяльнасці “Навучанне замежнай мове” падзяліліся вопытам правядзення вучэбнай і вытворчай практыкі на гэтай спецыяльнасці. Навучэнцы названай спецыяльнасці распавялі пра сваю ўласную практыку працы ў дзіцячых аздараўляльных лагерах, правядзення ўрокаў замежнай мовы. Гледачы таксама атрымалі асалоду ад віртуальнай экскурсіі па горадзе Бабруйску, якую на англійскай мове прадставілі навучэнцы спецыяльнасці “Арганізацыя турыстычных паслуг”. Выкладчыкі і студэнты Шахцінскага педагагічнага каледжа расказалі пра сістэму арганізацыі практычнага навучання на спецыяльнасцях “Дашкольная адукацыя” і “Пачатковая адукацыя”. Яны прадэманстравалі фрагмент выхаваўчага мерапрыемства ў пачатковай школе, а таксама занятку ў дзіцячым садку з выкарыстаннем робататэхнікі.

Відавочна, што адукацыйны працэс у аспекце практычнай падрыхтоўкі ў каледжах мае шмат агульнага, але, безумоўна, абодва ўдзельнікі гэтай сустрэчы адкрылі для сябе нешта новае і карыснае.

Н.В. Лазарчык, метадыст
Здымкі прадастаўлены аўтарам

Апублікавана 29 кастрычніка 2025г.